Yesterday Te Rūnanga-a-Iwi o Ngāti Kahu placed on the record of the Māori
Affairs Select Committee the rangatira
response of our whānau hapū iwi to the kawana document, Te
Hiku o Te Ika Claims Settlement Bill.
Today I write to all the uri of Kahutianui and Te Parata who are either
still very young children or have yet to be born.
Ina
pātai mai koe kia mātou, "He aha ai
i tū koe ki mua i te Komiti Whiriwhiri take?” Ma mātou e ki atu, "I puta a Ngāti Kahu te whakaatuhia te tika
me te pono ki mua ano i te aroaro o te Kaihanga, te whakaatuhia te tika me te pono ki mua ano i ngā
iwi.”
Kaua e wareware koutou i te
taenga mai o Tauiwi, ka tīmata ā rātou mahi tāhae i ngā whenua me ngā taonga o
Ngāti Kahu.
Ahakoa te aha, ka mau tonu
te mana whenua o Ngāti Kahu. No reira te Hakaputanga i raro nei i pānuitia ki
te ao katoa:
“Ko te mana, ko te tapu, ko te ihi o ngā hapū katoa o Ngāti Kahu i
pouātia rawatia mai i a Ranginui i runga nei, ki a Papatuānuku e takoto nei;
mai Te Whatū ki Maunga Tohoraha; whiti atu ki Hukatere kei Te Oneroa-ā-Tōhē; ki
Te Make, ā, ka puta atu mā ēnei moana e hora nei ki Hawaiikinui. Mai te taha
moana ki te tua whenua, ka haere mai ki Ngākohu, ki Ōkakewai, tae noa atu ki
runga o Maunga Taniwha. Ko ēnei ngā pou whenua o ngā roherohenga katoa o ngā
hapū katoa o Ngāti Kahu. Kei te pupuritia, kei te hakapūmautia nei te mana
whenua me te mana moana e ngā uri hakatupu.”
E
whakapono ana a mātou, kei a Ngāti Kahu tonu tōna mana ki te takutaimoana me te
papa moana anō hoki. Ko ngā rawa a
Tangaroa me ngā rawa i raro i te Papamoana,
ngā rawa anō o Ngāti Kahu.
E
tā mātou, kei roto katoa ngā rawa i raro
i a Papatūānuku otirā ngā rawa katoa kei roto i te rohe ō Ngāti Kahu. Tūturu ko te whakaaro nui nō ngā hapū o Ngāti
Kahu te mana o ēnei taonga tuku iho.
Kāhore
a mātou i te whakaae ki ngā ture e tūkino ana i te mana whenua me te mana moana
o ngā hapū o Ngāti Kahu i roto anō i te rohe o
tēnei o ngā Iwi. I takahia ai a Ngāti Kahu te ara kuiti i runga i to
matou whakapono ki te Atua
me tōna
tika, ehara te Karauna me ōna teka.
No rēira, tēnei to mātou poroporoaki ki a koutou ngā
uri o Ngāti Kahu, kaua e haere koutou i te ara o te hunga kino, engari ia i te ara tika, te
ara kuiti.
Ki te whai taringa tetahi hei whakarongo, ka rongo. Ki te whai kanohi tetahi hei kitea, e kite.
No comments:
Post a Comment